सिरहा, १ मंसिर। आस्था एवम् निष्ठा पूर्वक धुमधामसँग मनाइने छठ पूजाको लागि पूजा सामाग्री किन्ने श्रद्धालुहरुको बजारहरु लहान, धनगढी, गोलबजार, चोहर्वा, मिर्चैया लगायतका बजारहरुमा घुइँचो लाग्ने गरेको छ।
श्रद्धापूर्वक मनाइने छठ पर्वका लगि पूजाका सामाग्रीहरु बाँसले बनेको ढाकी, नाङलो, कोनीयाँ, डगरी, उखु, केरा, नरिवल, पान, सुपाडीसहितका फलफूल तथा माटोका हाथी, ढकनी, घैला लगायका सामाग्रिहरु किन्न वजारमा घुइँचो लागेको हो।
पर्व नजिकिएसँगै बजारमा पूजा सामाग्रीसहित परिवारका सवैलाई नयाँ कपडा किन्नेको घुईंचो लागेको छ। तराई मधेशमा उल्लासका साथ मनाइने यो पर्वमा परीवारका सवै सदस्यहरुलाई नयाँ कपडा लाउने र मिठो परीकार खाने गरिन्छ।
बजारमा ग्राहको बढोत्तरी भएसँगै व्यापारीहरुले कृत्रिक अभाव गराएर मानग्रीहरुको मूल्य बृद्धि गरेको उपभोक्ताको आरोप रहँदै आएको छ। बजारमा अनावश्यक मूल्यवृद्धिहँदा पनि सरोकारवालाहरुको अनुगम फितलो भएको गुनासो छ। गत वर्षको तुलनामा यसपल्ट पूजा सामाग्रीमा दोब्बर मूल्य वृद्धि भएपछि पूजाको सामाग्री किन्न निक्कै सकस भइरहेको उपभोत्ता वताउँछन्।
सन्तान प्राप्ति, रोग निदान र पारिवारिक कल्याणका लागि तराई मधेशमा धुमधामसँग मनाईने छठ पर्व पछिल्ला दिनहरुमा देशैभरि मनाउन थालिएको छ।
चार दिनसम्म निष्ठापूर्वक मनाइने यो पर्व आज नेहाय खाय (नुहाएर खाने) विधिबाट सुरु भएको छ। भोलि खरना (खिर खाने) र पर्सी आइतबार अस्थाउँदो सूर्यलाई र सोमबार उदाउँदो सूर्यलाई अर्घ दिएसँगै पर्व समापन हुनेछ।
