सिरहा १ चैत्र । सिरहाको लहान नगरपालिका क्षेत्र भित्र रहेका मालपोत कार्यालय लहानमा दिउँसो करिब १ बजेको समयमा बम विस्फोट भएको छ । विस्फोटमा परि आठ जना घाइते भएका छन् ।
घाइते हुनेहरुमा जिल्ला सिरहा बिषणपुरा गाउँपालिका बस्ने मालपोत कार्यालयका नायब सुब्बा शिवकुमार यादव, लिखन्दास भोला बहादुर मगर ,गोलबजार नगरपालिका –६ बस्ने ३५ वर्षीय लक्ष्मी राना र बेचनी मगर ,सिरहा नगरपालिका –१६ बस्ने ५२ वर्षीय लाल बहादुर बिश्वकर्मा ,गोलबजार बस्ने ३८ वर्षीय फूलकुमारी ठाकुर ,भगवानपुर गाउँपालिका बस्ने ५४ वर्षीय बद्रि नारायण यादव सहित सिरहा धनगडीमाई नगरपालि – ४ बस्ने अन्दाजी ३५ वर्षीय सेवाग्राही दिनेश भण्डारी गरि आठ जना घाइते भएका छन् भन्ने एकजना गम्भीर घाइते भएका दिनेश भण्डारी , भोला बहादुर मगर र शिवकुमार यादवको उपचार स्थानिय अस्पतालहरुमा भइरहेको छ ,भने बाँकी समान्य घाइते भएकाहरुको उपचार लहान अस्पतालमा भइरहेको लहान प्रहरी प्रमुख डीएसपी तपन दहालले जनाए ।
गम्भीर घाइते मध्ये सेवाग्राही दिनेश भण्डारीको अवस्था चिन्ता जनकरहेकोले थप उपचारका लागी नेपाली सेनाको हेलिकप्टरमा काठमाण्डौ लैजाने तयारी भइरहेको जनाएको छ ।
यता, सुरक्षाकर्मीहरुले मालपोत कार्यालय भित्र विस्फोटका अवशेषहरु संकलन गरीरहेका छन् । भीडभाड भएको बेला कार्यालयको पहिलो तल्लाको मुठ फाँट नजीक कुकर बम विस्फोटक भएको प्रहरीले जनाएको छ । विस्फोटक पदार्थ(कुकर बम) रहेको प्रहरीले जनाए । बम विस्फोट भएको ठाउँमा तराई जनतान्त्रिक मुक्ति मोर्चा (क्रान्तिकारी ) को पर्चा समेत भेटिएको छ ।
