सिरहाका मेयर यादवले चिकित्सक र कर्मचारीलाई अभद्र व्यबहार भएको भन्दै खेद प्रकट

सिरहा, २७ जेठ। सिरहा नगरपालिकाका मेयर नविन कुमार यादवसहित १५–२० जनाको समूहले प्रदेशिक अस्पताल सिरहामा कार्यरत चिकित्कस, कर्मचारीहरुलाई गाली वेइज्जती र हातपात गरेको भन्दै अस्पताल सञ्चालन तथा व्यवस्थापन समितिले खेद प्रकट गरेको छ।

सिरहा नगरपालिका १४ का ३१ वर्षिय आरटीएका विरामी आशिष मण्डलको उपचार भईरहेको अवस्था सोमबार राति करिव ८ बजे मेयर यादवसँगै आएका सिरहा २ का अर्जुन यादव, १८ का रुपेश कुमार यादव(मुना) सहित करिव २० जनाको समूले आकस्मिक कक्षमा कार्यरत चिकित्सक र कर्मचारीहरुलाई गाली वेइज्जती र हातपात गरेको भन्दै समितिका अध्यक्ष सोहिन्द्र प्रसाद यादवले प्रस विज्ञप्ती जारी गर्दै आपत्ति जनाएको हो।

अध्यक्ष यादवद्वारा जारी प्रेस विज्ञप्तीमा भनिएको छ, ‘नगर प्रमुखजस्तो गरिमाय पदमा रहेका व्यक्ति र सँगै समूहमा आएका व्यक्तिहरुले अस्पतालका कर्मचारी र चिकित्सकमाथि अमर्यादित र अभद्र व्यबहार भएको घटना प्रति घर आपति तथा खेद प्रकट गर्दछु।’

मेयर यादवले यस अघिपनि विद्यालयमा पुगेर बालकहरुको केस काटेर विगारी दिने, शिक्षकहरुसँग अमर्यादित ढङ्गले प्रस्तुतहुने आरोप लाग्दै आएको छ।