जनकपुर, १ साउन। जिप र मोटरसाइकल दुर्घटनामा परी ढल्केवरका एक कपडा व्यापारीको मृत्यु भएको छ। ढल्केबर जनकपुर सडक अन्तगर्नत धनुषाको मिथिला नगरपालिका ६ मा बीआर ०१ एआर ९७७० नम्बरको भारतीय जीप पल्टिएर सोही दिशाबाट आइरहेको ज ९ प ९४३५ नम्बरको मोटरसाइकलमा ठोकिनपुग्दा स्थानीय ४५ वर्षिय शिवलाल यादवको मृत्यु भएको हो।
जनकपुरबाट घर आईरहेका यादवलाई पछाडिबाट तीव्र गतिमा आइरहेको भारतीय नम्बरको जीपले सन्तुलगन गुमाउँदा पल्टिएर यादव सवार मोटरसाइकलमाथि बजारिन पुगेको प्रहरीको भनाई छ।
दुर्घटनामा गम्भीर घाइते भएका यादवको उपचारको क्रममा शनिबारे प्रादेशिक अस्पताल जनकपुरमा मृत्यु भएको प्रहरीले जनाएको छ।
जीपका चालकलाई प्रहरीले नियन्त्रणमा लिएको छ। शव पोष्टमार्टमको लागि प्रादेशिक अस्पताल जनकपुरमा राखिएको छ।
