सुरेश राय
सरहा, ३० असार। सिरहाको मिर्चैया नपामा एक युवकको शव फेला परेको छ। मिर्चैया नपा ९ घुर्मिचौकदेखि सय मिटर उत्तर सडक किनारमा मिर्चैया नपा ९ ढोढ्ना फत्तेपुरका २९ वर्षिय जीवन साहको शव भेटिएको हो।
हिजो अपरान्ह घरबाट प्र. २–०१–००३ प ३२४८ नम्वरको मोटरसाइकलमा तरकारी किन्न मिर्चैया बजार हिडेका साहको शव आज विहान स्थानियले सडक छेउमा देखेपछि प्रहरीलाई खवर गरेको थिए। उनी चढेको मोटरसाईल सडको अर्को किनारामा ढलेको अवस्थामा भेटिएको छ।
जानकारी पाउनासाथ तत्काल पुगेका प्रहरीले मोटरसाइकल अनियन्त्रीत भएर लडेको हुनसक्ने अनुमान गरेपनि घटना सङ्कास्पद रहेको इलाका प्रहरी कार्यालय मिर्चैयाका डिएसपी हरिवहादुर ओलीले जानकारी दिए।
उनले तत्काल घटनाको प्रकृति हेर्दा मोटरसाइकल अनियन्त्रीत भएर दुर्घटना भएको जस्तो देखिएपनि आशङ्का गर्ने ठाउँ रहेको जनाए। उनले घटनाबारे थप अनुसन्धान भईरहेको जनाए।
घरबाट हिजै निस्केकाभएपनि गाउँबाट जन्ती जाने भएकाले जन्ति गएको हुन सक्ने भन्दै घरपरिवारले खोजी नगरेको बताएको छ। उनीहरुले विहान प्रहरीले खवर गरेपछिमात्र घटनाबरे जानकारी पाएको जनाए।
उनको मोटरसाइकलमा तरकारी सहितको झोला समेत भेटिएको छ। त्यसैले उनी तरकारी किनेर घर फर्किने क्रममा नै घटना भएको अनुमान गरिएको छ। प्रहरीले पनि राती नै घटनाभएको हुन सक्ने बताए।
