काठमाडौं, २९ असार। काठमाडौंको भृकुटीमण्डपमा लागेको आगलागी अझै निभाउने प्रयास भईरहेको छ। ह्विलचेयर गोदाममा भएको आगलागी भक्तपुर र ललितपुर, नेपाल प्रहरी लगायतका दमकल र पानी ट्याङ्करको सहायतामा आगो निभाउने प्रयास भए पनि अझै निभाउन नसकिएको जिल्ला प्रहरी परिसर, काठमाडौंका एसपी दिनेशराज मैनालीले जानकारी दिए।
भृकुटीमण्डपको बजारसँगै रहेको गोदाममा दिउँसो तीन बजेदेखि आगो लागिरहेको छ। आगो के कारणले लागेको हो भन्ने अझै खुलेको छैन। अहिलेसम्म के कति क्षति भयो भन्ने पनि खुलिनसकेको प्रहरीको भनाई छ।
आगो लागेको स्थानमा काठमाडौं महानगरपालिकाका मेयर बालेन्द्र साह पनि पुगेको छ।
