सिरहा, २६ जेष्ठ। सिरहामा आगलागीका कारण लाखौं मूल्यको धनमाल जलेर नष्ट भएको छ। सिरहा नगरपालिका ६ का अभिरञ्जन गोइतको घरमा गएराती आगलागीहुँदा पाँच लाखबभन्दा बढी मूल्यको धनमाल जलेर नष्ट भएको हो।
आगलागीबाट २ वटा घर, २ वटा भैँसी, १० वटा बाख्रा, घरमा रहेको धान, चालम, गेहुँ लगाएतका अन्नपात र लताकपडा समेत जलेको जिल्ला प्रहरी कार्यालय सिरहाका सूचना अधिकारी डीएसपी सुवास बुढाथोकीले जानकारी दिए।
उनले प्रारम्भिक अनुमान अनुसार लागलागीबाट पाँच लाखभन्दा बढीको क्षति भएको बताए। उनले भने, ‘हामीले अहिले क्षेतिको विवरण संकलन र मुचुल्का गरिरहेका छौं। त्यसपछि एकीन विवरण आउला। अहिलेसम्म पाँच लाख भन्दा बढीको क्षति भएको हुन सक्ने अनुमान छ।’
आगलागीको कारण अझै खुल्न सकेको छैन। स्थानीयले भने दुस्मनीका कारण आगो लगाएको हुनसक्ने बताएको छ। ऋागो स्थानीयवासीको सक्रियतामा नियन्त्रणमा लिईएको थियो।
