उदयुर, १६ जेष्ठ। उदयपुरमा सिमेन्ट बोकेको ट्रक दुर्घटनामा परी ४ जनको मृत्यु भएको छ । बाराको पथलैयाबाट सिमेन्ट लोड गरेर सोलु हाईड्रोवपावरमा जाँदै गर्दा कटारी नगरपालिका १४ भदौरेस्थित सिद्धिचरण राजमार्गमा दुर्घटना हुँदा ट्रकका चालक ३३ वर्षीय सुदिप घलान, सह चालक २५ वर्षीय निकेश खड्का, १७ वर्षीय अनोज लामा र ३७ वर्षीय राजन तामाङको मृत्यु भएको हो।
ट्रक आफैं अनियन्त्रित भई सडकबाट अन्दाजी १ सय मिटर तल झरेर दुर्घटना भएको इलाका प्रहरी कार्यालय कटारीका प्रहरी नायव उपरिक्षक सन्तोष आचार्यले जानकारी दिए।
उनका अनुसार अहिले शवहरु निकाल्ने काम भइरहेको छ।
