सिरहा,१५ जेष्ठ। सिरहाको गोलबजारमा १५ औं गणतन्त्र दिबसको अबसर पारेर आज दिप प्रज्वलन गरेको छ। गोलबजार नगरपालिकाका जनप्रतिनिधी तथा कर्मचारीहरुले बजारको मूख्य चोकमा दिप प्रज्वलन गर्दै गणतन्त्र दिवस मनाएको हो।
सो क्रममा नगर प्रमुख श्याम कुमार श्रेष्ठले २०६५ साल जेष्ठ १५ गते नेपालमा गणतन्त्र घोषणा भएपश्चात जनताको छोरा राष्ट्रप्रमुख भएको स्मरण गरे। एनले जनताको छोरा राष्ट्रप्रमुख हुनु ठूलो गौरवको विषय भएको बताए।
दीप प्रज्वलन कार्यक्रममा उपमेयर मान्ती देबि साह लगायत नगरपालिका कर्मचारिहरु उपस्थिति रहेको थियो।
गणतन्त्र दिवसको अवसर पारेर जिल्लाका पालिकाहरुले सरसफाई, फलपफूल वितरण जस्ता कार्यक्रमहरु गरेका थिए।
