बर्दिवास, १८ वैशाख। महोत्तरी प्रहरीले श्रोत नखुलेको ४ लाख नेपाली रुपैयाँसहित एक किशोर पक्राउ गरेको छ। भारत तर्फबाट ब्याग बोकेर पैदल नेपाल तर्फ आउँदै गरेका जलेश्वर नगरपालिका १२ थरुवाहीका १९ वर्षीय सुजित मण्डल ४ सय थान एक हजारको नोट सहित पक्राउ परेका हुन्।
भारतबाट व्याग बोकेर पैदल नेपालतर्फ आउँदै गरेका मण्डललाई जलेश्वर नगरपालिका ३ स्थित भन्सार कार्यालय अगाडिबाट पक्राउ गरिएको महोत्तरी प्रहरीका प्रवक्ता डीएसपी प्रकाश बिष्टले जानकारी दिए ।
उनलाई नियन्त्रणमा लिई आवश्यक कार्वाहीका लागि जलेश्वर भन्सार कार्यालयको जिम्मा लगाइएको प्रहरीले जनाएको छ ।
