राजविराज, १६ वैशाख । सप्तरीको सुरुङ्गा नगरपालिका ७ मा बिहीबार राति बन्दु देखाएर सुनको गरगहना लुटपाट भएको छ । स्थानीय मिथिलेश मिश्रको घरमा गए राती ५–६ जनाको समूहमा हतियारसहित आएको नकावधारी समूहले ६ लाख बराबरको गरगहना लुटपाट गरेको हो ।
घरमा मिश्रको छोरा बुहारी र बच्चा सुतिरहेको अवस्थामा डाकाहरुले खुकुरी, बन्दुक देखाएर सुन चाँदीको गरगहना लुटेर लगेको इलाका प्रहरी कार्यालय कडरवोनाले जनएको छ।
‘मास्क तथा कपडाले मुख छोपी खुकुरी र बन्दुक जस्तै देखिने हतियार देखाएर ५–६ जनाको नकावधारी समूहले सुन चाँदीका गहना लुटेर लगेको सिंहले जनाए। डकैतीबारे प्रहरीले अनुसन्धान गरी रहेको इलाका प्रहरी कार्यालय कडरवोनाले जनाएको छ।
यता पीडित परिवारको भने करिब ५० लाख रुपैयाँ बराबरको नगद र गरगहना लुटेर लगेको दाबी रहेको छ।
