जनकपुर, १३ वैशाख । धनुषाको क्षिरेश्वरनाथ नगरपालिका ५ सिन्धुलीटोलमा आज विहान ट्रकमा मोटरसाईकल ठोक्किदाँ तीन जनाको मृत्यु भएको छ।
ना।२ख ८६२४ नम्बरको ट्रकमा लु ८३ प ८६५१ नम्बरको मोटरसाइकल ठोक्किदाँ मोटरसाइकलमा सबार तीनै जनाको मृत्यु भएको प्रहरीले जनाएको छ।
मृत्यु हुनेमा धनुषाको जनकपुरधाम उपमहानगरपालिका ४ निवासी १९ बर्षीय सुमित टिण्डेवाल र धनुषाकै बिदेह नगरपालिका ६ निवासी २२ बर्षीय अविनाश मण्डलको मृत्यु भएको जिल्ला ट्राफिक प्रहरी कार्यालय धनुषाका प्रहरी निरीक्षक चन्द्रभूषण यादवले जानकारी दिए। मृतक एक जनाको खनाखत हुन नसकेको प्रहरीले जनाएको छ।
दुर्घटनामा परेर गम्भीर घाइते भएका तीनै जनालाई तत्काल उपचारको लागि जनकपुरधामस्थित प्रादेशिक अस्पतालमा ल्याइएको थियो।
उपचारकै क्रममा तीनै जनाको मृत्यु भएको प्रहरीको भनाई छ। दुर्घटना बारे थप अनुसन्धान भईरहेको प्रहरीले जनाएको छ।
