वीरगञ्ज, २९ चैत । वीरगञ्ज पथलैया सडक खण्डमा ट्रकको ठक्करबाट स्कुटी चालकको मृत्यु भएको छ । बाराको जितपुर सिमरा उपमहानगरपालिका वडा नम्बर ३ सिप्रदी ट्रेडिङ् नजिकै ट्रकले स्कुटरलाई ठक्कर दिएको हो।
ठक्करबाट जितपुर सिमरा उपमहानगरपालिका वडा नम्बर ७ का ६० वर्षीय कन्हैया बहादुर क्षेत्रीको मृत्यु भएको हो।
जीतपुरबाट सिमरातर्फ जाँदै गरेको ना.५ ख.७५०७ नम्बरको ट्रकले सोहि दिशाबाट जाँदै गरेको प्रदेश २–०३–०१४ प.१३६२ नम्बरको स्कुटरलाई ठक्कर दिँदा स्कुटी चालक गम्भिर घाइते भएका थिए ।
अल्पाइन अस्पताल सिमरामा सामान्य उपचारपछि थप उपचारको लागि क्षेत्रीलाई वीरगञ्ज रिफर गरिएको थियो । उपचारको क्रममा वीरगञ्जस्थित नेशनल मेडिकल कलेजमा क्षेत्रीको मृत्यु भएको जिल्ला प्रहरी कार्यालय बाराका प्रवक्ता एवम् प्रहरी नायव उपरीक्षक राजेश थापाले जानकारी दिए।
प्रहरी नायब उपरीक्षक थापाका अनुसार ट्रक र ट्रकका चालकलाई नियन्त्रणमा राखिएको छ।
