उदयपुर, १४ चैत । उदयपुरको उदयपुरगढी गाउँपालिका १ शिखरपुरमा आगलागीमा परेर सोमबार अपरान्ह एक बृद्धाको मृत्यु भएको छ । आगलागीका कारण आठ घरमा क्षति पुगेको छ ।
आगलागिमा परी स्थानीय ६८ वर्षीया शिवमाया मगरको घटनास्थलमै मृत्यु भएको हो । विद्युत् सर्ट भएर आगो लागेको प्रारम्बिक अनुमान गरिएको उदयपुरका प्रमुख जिल्ला अधिकारी वीरेन्द्रकुमार यादवले जानकारी दिए ।
घटनाको अनुसन्धान भइरहेको छ । आगो हिजो बेलुका नै निभाइएको र पीडित परिवारलाई राहत दिने तयारीमा जुटेको प्रमुख जिल्ला अधिकारी यादवले जानकारी दिए । सुक्खा मौसम सुरु भएसँगै देशभर आगलागीका घटना बढ्न थालेको छ ।