सिरहा, २३ माघ । गोलबजार प्रतिभा क्लव पाँचौ गोलबजार मेयर गोल्डकप २०७८ को फाईनल प्रवेश गरेको छ । बेलगाछी फूटबल क्लव, ढल्केबर गौशाला महोत्तरीसँगको सेमीफाईनल खेलमा ३ को विरुद्ध ४ गोल गर्दै गोलबजार फाईनल प्रवेश हो ।
सेमिफाईनल खेलमा गोलबजार प्रतिभा क्लवका लागि जर्सि नम्वर ९ का सरोज कार्कीले २ गोल र १४ का खेलाडी क्याक्सीले २ गोल गरेका थिए । बेलगाछीका तर्फबाट जर्सिनम्वर ९ का खेलाडी अनिल मगरले ३ गोल गरेका थिए ।
आजको खेलको म्यानअफ द म्याच बेलगाछीका अनिल मगर भएका छन् । उनलाई गोलबजार नपा ३ का बडा अध्याक्ष धनप्रसाद लामा र एवीमल गोलबजारका प्रतिनिधी पिन्टु राउतले संयुक्त रुपमा पुरस्कार हस्तान्तरण गरेका छन् ।
भोलिको सेमीफाईनल खेला नयाँ बस्ति युवा क्लव, काठमाडौं र वीरगञ्ज युनाईटेड पर्साविच हुने छ । प्रतियोगिताको फाईनल २६ गते हुने आयोजकले जनाएको छ । भोलिका खेलको विजयी टिम र गोलबजारविच फाईनल खेल हुने छ ।
