सिरहा, १८ माघ । पाँचौ गोलबजार मेयर गोल्डकप २०७८ को अन्तर्गत आज भएको दोस्रो खेलमा बेलगाछी फूटवल क्लव गौशाला महोत्तरी विजयी भएको छ । तालतलैया फूटवल एकेडेमी सुनसरीसँगको खेलमा बेलगाछी ०–३ ले विजयी भएको हो ।
गोलबजार नगरपालीकाको आयोजनामा गोलबजार खेलग्राममा भईरखेको खेलमा बेलगाछीका लागि जर्सी नम्वर १० का सुदिप आले मगरले २ गोल र जर्सि नम्वर ९का सुनिल मगरले १ गोल गरेका थिए । आजको खेलमा सर्वाधिक गोलकर्ता सुदिप आले मगरलाई उत्कृष्ट खेलाडीको पुरस्कार प्रदान गरेको छ । उनलाई एवी मल गोलबजारका प्रतिनिधी पारस यादवले नगद ३ हजार प्रदान गरेको आयोजकले जनाएको छ ।
भोलिको खेल तालतलैया फूटवल एकेडेमी सुनसरी र गोलबजार स्पोर्टस् क्लव गोलबजार सिरहाविच हुने छ । प्रतियोगितामा १० वटा टिम सहभागी छ ।
