कुल मतदाता ३७२ जना रहेकोमा ३ सय ६६ जनाले मतदान गरेको प्रमुख निर्वाचन अधिकृत ब्रजेश प्याकुरेलले बताए ।
बुधवार जनकपुरधामको महेन्द्रनारायण निधि स्मृति प्रतिष्ठानमा भएको मतदानमा निर्धारित समयमा ६ जनाले मतदान नगरेको प्याकुरेलले बताए । मतदान नगर्नेमा चार जना स्थानीय तहका जनप्रतिनिधि र दुई जना प्रदेशसभा सदस्य रहेका छन् ।
निर्धारित समयमा ६ जना नआएकाले अब उनीहरुले मत खसाउन नपाउने प्याकुरेलले बताए ।
मधेस प्रदेशमा २६८ जना स्थानीय तहका मतदाता रहेकोमा १३२ पुरुष र १३२ महिलाले मतदान गरेका छन् । त्यस्तै प्रदेशसभाका १ ०२ सदस्यले मतदान गरेका छन् । मतदान सकिएसँगै अपरान्ह साढे ३ बजेपछि मतगणना हुने प्रमुख निर्वाचन अधिकृत प्याकुरेलले बताए ।
राष्ट्रिय सभाको १९ सिटमध्ये प्रदेश १ मा तीन, मधेस प्रदेशमा दुई, बागमतीमा दुई, गण्डकीमा तीन, लुम्बिनीमा तीन, कर्णालीमा तीन र सुदूरपश्चिम प्रदेशमा तीन सदस्य चयनका लागि बुधबार निर्वाचन भएको हो ।
t
