रेडियो समाद १५ औं बर्षमा प्रवेश

लहान, ५ माघ । सिरहाका पहिलो सामुदायिक रेडियो समाद एफ एम १०२.६ मेगाहर्ज आजबाट १४ बर्ष पुरा गरी १५ औं बर्षमा प्रवेश गरेको छ । ‘हाम्रो रेडियो हाम्रो अवाज, आवाज विहिनहरुको आवाज’ भन्ने मुलनारा सहित २०६४ माघ ४ गतेबाट लहान नगरपालिका १ को कृष्णाटोलबाट प्रसारणमा आएका रेडियोले स्थानीय भाषा, धर्म, संस्कृत, पहिचानलाई जगेर्ना गर्न महत्वपूर्ण भुमिका खेलेको छ ।

कृषि, शिक्षा, पर्यटन प्रवर्द्धनलाई संरक्षण सम्बर्द्धन गर्न का साथै विभिन्न कार्यक्रम र स्थानीय भाषाका समाचारलाई प्रमुख प्राथमिकतामा राखी प्रसारणको कार्यलाई तीब्रता दिंदै आईरहेको छ । प्रकृतिका साथीहरूद्धारा संचालित रेडियोले नेपाली, मैथिली, थारु, हिन्दी, भोजपुरी लगायतका भाषाको गीत संगीतको माधयमबाट स्रोतालाई मनोरंजन प्रदान गर्दै आईरहेको छ । रेडियोले थारु, नेपाली, मैथिली भाषामा म्यागजिन फोर्म्याटका कार्यक्रम उत्पादन गरी जनचेतना फैलाउने कार्यलाई निरंतरता दिदै आईरहेको स्टेशन म्यानेजर रामानन्द चौधरीले बताएका छन् ।

सय वाट क्षमता भएको रेडियोले नेपालको सिरहा, सप्तरी, उदयपुर, सिन्धुली, धनुषा र छिमेकि मुलुक भारतको बिहार राज्य लगायतका जिल्लाहरुमा सुन्ने गरेको गरेको छ । रेडियो अनलाईन मार्फत पनि देश विदेशमा रहेका अधिकांश नेपालीहरुको मन जित्न सफल भएको प्रशासन शाखा प्रमुख अनिल चौधरीले बताए ।