वीरगञ्ज, १९ पुष । जिल्ला प्रहरी कार्यालय बाराले भन्सार छलीका ५ सय किलो माछा सहित पिकअप गाडी नियन्त्रणमा लिएको छ । भारतबाट भन्सार छलेर अवैध रुपमा नेपाल ल्याउँदै गरेको अवस्थामा जिल्ला प्रहरी कार्यालय बाराबाट खटिएको गस्ति टोलीले ३७ हजार ५ सय रुपैयाँ मूल्य बराबरको ५ सय किलो माछा बरामद गरेको हो ।
माछासँगै माछा ओसार्न प्रयोग गरिएको बा. ४ च ६०९१ नम्बरको पिकअप गाडी समेत नियन्त्रण्मा लिइएको प्रहरीले जनाएको छ ।
माछा सहित ७ लाख रुपैयाँ मूल्यांकन गरिएको पिकअप गाडीलाई आवश्यक अनुसन्धानकालागि वीरगञ्ज भन्सार कार्यालयमा बुझाइएको प्रहरीले जनाएको छ । 
