काठमाडौं, १ पुस । नेपाली कांग्रेसको महामन्त्रीमा गगन कुमार थापा र विश्वप्रकाश शर्मा विजयी भएका छन् । १४ औं महाधिवेशन अन्तर्गत मंसिर २७ गते भएको निर्वाचनको आज अपरान्ह मतपरिणाम अनुसार थापा र शर्मा विजयी भएका हुन् ।
गगन कुमार थापाले ३ हजार २३ मत र विश्व प्रकाश शर्मा १ हजार ९ सय ८४ मत ल्याएर विजयी भएका छने ।
महामन्त्री निर्वाचित दुबै संस्थापन इतर समूहका हुन् । थापा शेखर कोइराला समूहबाट महामन्त्री उम्मेदवार बनेका थिए ।
यस्तै शर्मा प्रकाशमान सिंह समूहबाट उम्मेवादरी दिएका थिए । थापाले सर्वाधिक मत पाएका छन् । शर्माले दोस्रो सर्वाधिक मत ल्याए ।
शेरबहादुर देउवा पक्षका प्रकाश शरण महत १ हजार ५ सय ५६ ल्याउँदा प्रदिप पौडेल १ हजार ३ सय ९३ मत ल्याए । मिनेन्द्र रिजालले ८ सय ९ मत र राजाराम कार्की १ सय ६ ल्याउन सके ।
