झापा, १ पुस । झापामा बस र मोटरसाइकल ठोक्किँदा दुई जनाको मृत्युभएको छ । पूर्व–पश्चिम राजमार्ग अन्तर्गत कन्काई नगरपालिका ७ दुर्गापुरमा ना ५ ख ७९३७ नम्बरको बस र मे ७ प २८४६ नम्बरको मोटरसाइकल ठोक्किएर इलाम रोङ गाउँपालिकाका सन्तोष राई र पछाडि बसेका रोङ गाउँपालिकाकै चन्द्रबहादुर राईको मृत्यु भएको हो ।
हिजो बेलुका भएको दुर्घटनामा घाइते भएका ३३ वर्षका सन्तोष र ४० वर्षका चन्द्रबहादुरको उपचारका क्रममा झापाको बीएण्डसी अस्पताल बिर्तामोडमा मृत्यु भएको जिल्ला प्रहरी कार्यालय झापाका प्रहरी नायब उपरीक्षक वसन्त पाठकले जानकारी दिए ।