सिरहा, १५ मंसिर । नेपाल कम्यूनिष्ट पार्टी (माओवादी केन्द्र) को धनगढीमाई नगर सम्मेलनले प्रकाश योञ्जनको अध्यक्षतामा ६५ सदस्यीय नगरकमिटी गठन गरेको छ । सम्मेलनले उपाध्यक्षमा क्रमशः बुद्धिलाल चौधरी, सूर्यप्रकाश महतो र फूलकुमारी श्रेष्ठ चयन गरेका छन् ।
त्यसैगरी, सचिवमा वीरेन्द्र साह, सह–सचिव सरुण मोक्तान र कोषाध्यक्षमा जनक मोते छानिएको पार्टीका प्रदेश सदस्य शुभराज लामाले जानकारी दिए ।
सम्मेलनले तेजवहादुर आले, बम्हदेव राम, श्रीप्रसाद यादव, गणपति यादव र हिरालाल चौधरीलाई प्रदेश प्रतिनिधी निर्वाचित गरेको छ । सम्मेलनको उद्घाटन पार्टीका स्थायी समिमिति सदस्य गिरिराजमणि पोखरेलले गरेका थिए ।