गमक पोष्ट समाचारदाता / वीरगञ्ज, ३१ साउन । प्रदेश नम्बर २ का मुख्यमन्त्री लालबाबु राउतले अपराधिक गतिविधि नियन्त्रणका लागि सिसि टिभी क्यामेरा अपरिहार्य जस्तै भएको बताएका छन् । जिल्ला प्रहरी कार्यालय पर्सा र वीरगञ्ज उद्योग वाणिज्य संघको सँयुक्त आयोजनामा सिसि टिभी लिड भिडियो वाल तथा नियन्त्रण कक्ष भवनको उद्घाटन समारोहलाई सम्बोधन गर्दै मख्यमन्त्री राउतले अपाराध नियन्त्रणमा प्रविधिको उपयोग आवश्यक रहेको भन्दै सिसिटिभी क्यामेरा जडानले अपराधिक गतिविधि नियन्त्रणमा सहयोगी भूमिका निर्वाह गर्ने बताएका हुन् ।
विगतमा भए गरेका घटनाहरुबाट उद्योगी, व्यवसायीहरुका साथै अन्य नागरिकले पनि असुरक्षित महसुस गर्दै आएका थिए । प्रहरीले सुरक्षाको प्रत्याभुति दिलाउँदै आएको भएपनि सिसि डिभि क्यामेरा जडानपछि स्थनियले थप सुरक्षित आभाष गर्ने मुख्यमन्त्ती राउतले विश्वास व्यक्त गरे ।
वीरगञ्ज उद्योग वाणिज्य संघ सुरक्षाको विषयमा विगतदेखि नै चिन्तीत रहेको चर्चा गर्दै उनले संघकै सक्रियतामा वीरगञ्जलाई सिसि टिभी क्यामेराको निगरानीमा राख्न सफल भएको बताए । साथै आगामी दिनमा हरेक चोक र हरेक गल्लीमा सिसिटिभी क्यामेरा जडान गर्ने र यसमा प्रदेश सरकारको तर्फबाट सहयोग गर्ने प्रतिबद्धता पनि उनले व्यक्त गरे ।
मुख्यमन्त्री राउतको निर्वाचन क्षेत्र विकास कार्यक्रमबाट ३२ लाखको लागतमा जडित सिसि टिभि लिड भिडियो वाल तथा नियन्त्रण कक्षको उद्घाटन कार्यक्रममा प्रदेश नम्बर २ का प्रमुख प्रहरी नायब महानिरीक्षक (डिआईजी) उमेश रञ्जितकार, प्रदेश सभा सदस्यद्वय जन्नत अन्सारी, प्रह्लाद गिरी, जिल्ला प्रशासन कार्यालय पर्साका प्रमुख जिल्ला अधिकारी पिताम्बर घिमिरे, जिल्ला समन्वय समिति पर्साका सभापति नेकमहमद अन्सारी, नेपाल उद्योग वाणिज्य महासंघ प्रदेश नम्बर २ का अध्यक्ष गणेश प्रसाद लाठ, सशस्त्र प्रहरी उपरीक्षक राजेन्द्र खड्का, प्रहरी उपरीक्षक बेलबहादुर पाण्डे, वीरगञ्ज उद्योग वाणिज्य संघका निवर्तमान अध्यक्ष गोपाल केडिया, नेपाल पत्रकार महासंघ पर्साका अध्यक्ष अनुप तिवारी लगायतले सिसिटिभी क्यामेराले अपराधीक गतिविधि न्युनिकरण हुने विश्वास व्यक्त गरेका थिए ।
वीरगञ्ज उद्योग वाणिज्य संघका महासचिब मनोज दासको अध्यक्षतामा समुद्घाटन कार्यक्रम कार्यक्रम सम्पन्न भएको हो ।
