फाइल फोटो
गमक पोष्ट समाचारदाता / सिरहा, ९ असार । प्रहरीले सिरहाको गोलबजारबाट स्रोत नखुलेको सुनसहित दुईजनालाई पक्राउ गरेको छ । सशस्त्र प्रहरी वेस क्याम्प गोलबजार र जिल्लाको टोलीले गोलबजार नपा ४ बाट लक्ष्मीपुर पतारी गापा ४ का जीवछ कुमार मण्डल र मो. साउद्दिन खानलाई दुईसय ग्राम सुनसहित पक्राउ गरेको हो ।
प्रहरीलाई देखेर झोला फाली भागेपछि उनीहरुलाई खेदेर पक्राउ गरेको सशस्त्र प्रहरी व्यस क्याम्प गोलबजारका प्रमुख इन्सपेक्ट श्यामबाबु यादवले जानकारी दिए । उनका अनुसार प्रहरीलाई देखेर झोला र मोटरसाइकल छोडेर भाग्न खोजेपछि उनीहरुलाई नियन्त्रणमा लिई खोजतलास गर्दा सुन फेला परेको हो ।
सुन सहित दुवैजनालाई जिल्ला भन्सार कार्यालय खयरटोका भन्सार कार्यालयको जिम्मा लगाएको जनाएको छ । उनीहरुले कहाबाट कसरी के प्रायोजनको लागि सुन ल्याएको भन्ने अनुसन्धान भईरहेको जनाएको छ ।
उनीहरुका गतिविधिका कारण प्रहरीले केहिदिन अघिदेखि नै निगरानीमा राखेको बताइएको छ ।
