गकम पोष्ट समाचारदाता/ जनकपुर, १ असार । संसदिय विकास कोषमा बजेट बढाउनु पर्ने माग गर्दैै प्रदेश २ का विपक्षी दलका सांसदहरुले प्रदेश सभा बैठक अवरुद्ध गरेका छन् ।
मंगलबार बजेट प्रस्तुतिपछि आधा घण्टाका लागि स्थगित गरिएको बैठक शुरु हुनासाथ विपक्षी नेकपा एमाले र नेकपा माओवादी केन्द्रका सांसदले निर्वाचन क्षेत्रमा विकासका लागि सांसदलाई दिइँदै आएको बजेट बढाउनुपर्ने माग बैठक गर्दैवरुद्ध गरेका हुन् ।
मंगलबारको दोस्रो बैठक शुरु भए लगत्तै नेकपा एमाले सांसद सुन्दर बहादुर विश्वकर्माले सरकारी बजेट फ्रिज भइरहेको र सांसदको निर्वाचन क्षेत्र विकासका लागि दिइएको बजेट कम भएको बताए । सासंद् विश्वकर्माले अन्य बजेट खर्च गर्न नसकिरहेको र सासंदहरुले पाएको बजेट समयमै सकिने भएकाले बजेट थप गर्नु पर्ने माँग गरे । उनले यसबारेमा यसअघि नै सरकारसँग आग्रह गर्दै ध्यानाकर्षण गराएपनि निर्वाचन क्षेत्र विकासका लागि बजेट नबढाइएको बताए ।
सांसद विकले प्रत्यक्ष निर्वाचित सांसदलाई ५ करोड र समानुपातिक सांसदलाई २ करोड ५० लाख उपलब्ध गराउन माग गरे ।
विकले राखेको प्रस्तावमा माओवादी केन्द्रका प्रमुख सचेतक दिलिप साहले पनि समर्थन जनाएका थिए ।
विपक्षी दलका सांसदहरुले यो माग राख्दै उभिरहेपछि सभामुख सरोज कुमार यादवले केहि बेरका लागि प्रदेश सभाको बैठक स्थगित गरेका छन् ।
