गमक पोष्ट समाचारदाता / सिरहा, २० जेष्ठ । पूर्व सासंद तथा नेकपा माओवादी केन्द्रका नेता विएल वाइबा नामले परिचित विष्णु बहादुर तामाङको निधन भएको छ । सिरहाको कर्जन्हा नपा ५ निवासी ७८ वर्षीय तामाङको उपचारको क्रममा आज अपरान्ह निधन भएको हो ।
कारोना सङ्क्रमणबाट मुक्त भईसकेका उनको उपचारको सिलशिलामा सुगरलेभल एक्कासी बढीभएर झापाको दमकमा रहेको आम्दा अस्पतालमा मृत्युभएको बताइएको छ । उनको शव घर ल्यााईरहेको बताइएको बडा अध्यक्ष भुषण खातीले जानकारी दिए । घर ल्याएर भोली विहानमात्रै दहासंस्कार गर्ने कार्यक्रम बनिरहेको उनले बताए ।
लामा २०४८ सालको आम निर्वाचनमा उनी सिरहा क्षेत्र नंं ५ बाट तत्कालिन संयुक्त जनमोर्चाबाट निर्वाचित भएका थिए । उनी कम्यूनिष्ट आदर्श र सोशित पीडित जनताप्रीत समर्पित नेताको रुपमा परिचित थिए ।
