गमक पोष्ट समाचारदाता
बर्दिवास, ४ फागुन । महोत्तरीको भङ्गहा नगरपालिका–९ मा आगलागी हुँदा लाखौकोधनमाल जलेर नष्ट भएको छ । आज अपरान्ह स्थानीय राजेशचन्द्र यादवको घरको चुल्होबाट सुरुभएको आगलागीले एक थान मोटरसाइकलसहित लाखौँको धनमाल जलेर नष्ट भएको हो ।
जिल्ला प्रहरी कार्यालय महोत्तरीका प्रहरी नायब उपरीक्षक प्रकाश विष्टका अनुसार अपराह्न यादवको घरमा चुलोबाट आगो सल्किएर आगलगी भएको बताए । आगलागीबाट घरमा रहेको अन्नपात, भाँडाकुडा, लत्ताकपडा र ज.११ प ५६२८ नम्बरको मोटरसाइकल जलेर नष्ट भएको प्रहरीले बताए ।
पीडित परिवारका अनुसार घरसहित घरभित्र रहेका समग्र सामाग्री सहित केही नगद र केही गरगहनासमेत जलेर नष्ट हुँदा करिव पाँच लाख मूल्य बराबरको क्षति भएको हो ।
प्रहरीचौकी सीतापुरबाट खटि गएका प्रहरी र स्थानीयको सहयोगमा आगो नियन्त्रण गरिएको बताइएको छ ।
