गमक पोष्ट समाचारदाता
सिरहा, १८ माघ । कानुनमन्त्री तथा नेपाल कम्यूनिष्ट पार्टी नेकपाका केन्द्रीय सदस्य लिला नाथ श्रेष्ठले सरकार चल्नै नसक्नेगरी घेराबन्दीमा पारेपछि प्रधानमन्त्रीले माध्यात्मक अवस्थामा संसद विघटन गर्नु परेकोे बताएको छ । हेमनारायण यादवको १७ औं स्मृतिसभाको पूर्वसध्यामा मन्त्री निवास गोलबजार नपा ७ चोहर्वामा आइतबार आयोजित पत्रकार सम्मेलनमा मन्त्री श्रेष्ठले सरकार गठनसँगै आफ्नै पार्टीले घेराबन्दिमा पारेर सरकार चल्नै नदिएपछि संसद विघटनको अवस्था आएको बताए ।
उनले संसद विघटन असम्वैधानीक, अलोकतान्त्रीक नभएको बताए । ‘बजारमा हल्ला चलेजसतो संसद विघटन असम्वैधानीक पनि होइन, प्रतिगमी पनि भएको होइन,’ उनले भने, ‘यो प्रधानमन्त्रीले चाल्नु भएको सम्वैधानीक कदम हो, प्रतिगमन भएको भए कुन पार्टीलाई प्रतिवन्ध लगाएको छ ? कुद नेतालाई नजरबन्द वा थुनामा राखेको छ ? यो चुनाव देखि डराउनेहरुको जनता भड्काउने षडयन्त्रमात्र हो ।’
मन्त्री श्रेष्ठले सोही क्रममा उनले अव कसैको बहकावमा नलागी चुनावको तयारीमा लाग्न सवैलाई अनुरोध गरे ।
सोहि क्रममा नेता हेमनारायण यादवको २०६० माघ १९ गते हत्या भएको बताउँदै हत्यारालाई चाँडै कार्वाही हुने मन्त्री श्रेष्ठले बताए । यादबको हत्या भएको १७ बर्ष हुँदा पनि दोषी कानूनी दायरामा आउन नसकेको प्रति दुःख व्यक्त गर्दै उनले अव चाँडै हत्यारालाई कार्वाही हुने बताए । उनलेभने, ‘हत्यारा पत्ता लागि सकेको छ, हामीले प्रधानमन्त्रीलाई हत्यामा संलगनलाई कानुनी दायरामा ल्याउन अनुरोध गरिरहेका छौं, चाँडै कार्वाही हुन्छ ।
उनले हत्यामा सिरहाको चोहर्वामा रहेको तत्कालिन इन्द्रध्वज गंणका कर्णेल बाबुकृष्ण कार्की संलग्न रहेको विभिन्न प्रतिवेदनले त्यही बेला बुझाएको भन्दै अव हत्यारा खोजीरहनु पर्ने अवस्था नरहेको पनि बताए ।
सोही क्रममा नेकपा प्रदेश नम्वर २ का सचिव तथा राष्ट्रियसभा सदस्य सुमनराज प्याकुरेलले नेकपा भिभावजन भईसकेको बताए । पत्रकार सम्मेलनमा उनले अव पार्टी फूटेको छैन भनेर भनिरहनुको अर्थ नगरहेको भन्दै पार्टी विभाजन भईसकेको सुनाए ।
भोली सिरहा सदरमुकाममा हुने हेवनारायण यादवको स्मृति सभालाई प्रधानमन्त्री केपी शर्मा ओलीले सवोधन गर्ने कार्यक्रम रहेको जनाएको छ ।
