गमक पोष्ट समाचारदाता
सप्तरी, ३ माघ । मुख्यमन्त्री लालबाबु राउतले संचार क्षेत्रको बिकासमा सरकार प्रतिबद्ध रहेको बताएको छ । नेपाल पत्रकार महासंघ शाखा सप्तरीको दशांै साधारणसभालाई शनिबार सम्बोधन गर्दै उनले संचारक्षेत्रको विकास विना समृद्धि र शुशासनको कल्पना समेत गर्न नसकिने भन्दै यसको विकासमा आफ्नो सरकार प्रतिवद्ध रहेको बताएका हुन् ।
कार्यक्रमलाई सम्बोधन गर्दै मुख्यमन्त्री राउतले देशमा संकट आउदा पत्रकारहरुले खेलेको भुमिका महत्वोपुर्ण हुने गरेको बताए । कुनैपनि अधिकार प्राप्तिको आन्दोलन होस् वा देशलाई संकट पर्दा पत्रकारले गरेको योगदान महत्वोपुर्ण रहेको भन्दै मुख्यमन्त्री राउतले भने, ‘संचार क्षेत्रको बिकास बिना देशमा सुशासन र समृद्धिको कल्पना समेत गर्न सकिदैन ।’
मुख्यमन्त्री राउतले प्रदेश सरकारले संचार क्षेत्रको बिकासका लागि छिट्टै संचार प्रधिकरण र मिडिया काउन्सिल गठन गर्न लागेको खुलासा गरे । प्रदेश सरकार संचार क्षेत्र र पत्रकारको समस्या प्रती गम्भीर रहेको उल्लेख गर्दै मुख्यमन्त्री राउतले संचार क्षेत्रको बिकास र पत्रकारहरुको तमाम समस्य समाधान गर्न सरकार प्रतिबद्ध रहेको बताए ।
मुख्यमन्त्री राउतले बर्तमान देशको अस्थिर अबस्थामा पत्रकारहको जिम्मेवारी झन बढेको भन्दै संघीय सरकारले निमत्याएको जटिल अबस्थालाई सहि दिशामा ल्याउन सशक्त रुपमा पत्रकारहरुले भुमिका निर्वाहा गर्नुपर्ने बताए ।
मुख्यमन्त्री राउतले संबिधानको बर्खिलाप गर्दै प्रधानमन्त्री केपि शर्मा ओलिको सिफारिसमा राष्ट्रपती बिद्यादेवी भण्डारीले प्रतिनिधि सभा विघटन गरेको भन्दै आक्रोश व्यक्त गरे । संबिधानमै नभएको अधिकार प्रयोग गरेर प्रधानमन्त्री ओलिले देशलाई प्रतिगमन तिर धकेलेको भन्दै ओलि सरकारको तानाशाही असंबैधानिक ‘कु’ विरुद्ध पत्रकारहरुले खबरदारी गर्नुपर्नेमा जोड दिए ।
सामाजिक बिकास मन्त्री नवल किशोर साहले देशमा परिबर्तन ल्याउन पत्रकारको ठूलो योगदान रहेको बताए । भुमी ब्यवस्था कृषि तथा सहकारी मन्त्री शैलेन्द्र साहले देशको बिकास र राजनीति परिवर्तनमा सप्तरीका पत्रकारहरुको भुमिका अबिस्मरणिय रहेको बताए ।
नेपाल पत्रकार महासंघ सप्तरीका अध्यक्ष जितेन्द्र खड्गाको अध्यक्षतामा आयोजित साधारणसभामा राष्ट्रिय सभा सदस्य शेखर सिंह, प्रदेश सभा सदस्य मनिस सुमन सहितका बक्ताहरुले शुभकामना मन्तव्य व्यक्त गरेका थिए ।
