गमक पोष्ट समाचारदाता
सिरहा, २९ पुस । सिरहाको गोलबजार नपामा जङ्गली हात्तिले आतङ्क मच्चाएको छ । दिनहुँ गोबलार नपा १ मुक्सारमा आउने हात्तिले ७ वटा घरहरु भत्काएपछि स्थानीय वासिन्दा आतङ्कीत भएका हुन् । जंगली हात्तिले मंगबार र सोमबार राति स्थानीय समस्ती आले, आन्तलाल आले, साङ्ले विश्वकर्मा, लालबहादुर साह, महेन्द्र ठाकुर, भुवन मगर सहित ७ जनाको घर भत्काएको वडा अध्यक्ष देववहादुर मगरले जानकारी दिए ।
दुई दिनदेखि निरन्तर राती आउने हात्तिले घरमा रहेको धान चामल खाने, छर्ने गरेको वडा अध्यक्ष मगरले सुनाए । उनलेभने, ‘गरिवहरुले जोहो गरेर राखेको थोरै धान चामल, माघे सङ्क्रान्तिको लागि जोहो गरेको च्यूरा, मूरही पनि हात्तिले खाने र छरिदिने गरेको बताए ।
पछिल्लो दुई दिनले हात्ति गाउँ पसेपछि स्थानीय जागराम वस्न थालेका छन् । दिनभरी नजीकैको जंगलमा वस्ने र राति गाउँ पस्ने गरेको स्थानीयको भनाई छ ।
