गमक पोष्ट समाचारदाता
सिरहा, २६ पुस । सिरहाको अर्नन्हा गापा १ बुढिया चापमा एक पुषको शव फेला परेको छ । शुक्रवार अपरान्हबाट हराईरहेका अवला भन्ने करिव ५५ वर्षिय राजकुमार ठाकुरको शव शनिवार बेलुका गाउँ नजीकैको रहरी बारीमा फेला परेको हो ।
प्रहरीले घटनाबारे अनुसन्धान भईरहेको जनाएको छ । जिल्ला प्रहरी कार्यालय सिरहाका एसपी उमाशंक पजियारका अनुसार घटनाको विभिन्न कोणबाट अनुसन्धान भईरहेको भन्दै एक दुई दिनभित्रै यसको नतिजा बाहिर आउने बताएको छ ।
शरिरको विभिन्न भागमा चोटहरु देखिएका उनलाई हत्या गरि फालिएको हुन सक्ने प्रहरीले जनाएको छ । रहरीबारी नजीकै फूटवल खेलिरहेका बालहरुले खेल्दै गरेको बल त्यहाँ पुगेपछि स्थानीयले जानकारी पाएर प्रहरीलाई खवर गरेका थिए ।
