गमक पोष्ट समाचारदाता
सिरहा, २२ पुस । सिरहाको गोलबजार नपा ६ डोहटीयामा एक किशोरको शव फेला परेको छ । गोलबजार नपा १२ बेतौना हरिपुरका किशोर सिंहका १७ वर्षिय छोरा आनन्दको शव फेला परेको जिल्ला प्रहरी कार्यालय सिरहाले जनाएको छ ।
सृजना सेकेड्री इङ्लिश बोर्डिङ स्कूलम, गोलबजार ६ मा कक्षा १० मा अध्ययनरत उनी गोलबजारमै डेरा लिएर बस्दै आएको परीवारीक स्रोतले जनाएको छ । मंगलबार परीक्षा दिएर साथीलाई पुर्याउन गएका उनी राती डेरा नर्फेपछि घरमा खवर पुगेलगतै खोजतलास गरेका थिए । घरपरीवारले खोजतलास गरेपनि विहान सम्म फेला नगरेपछि प्रहरीमा जानकारी गराएको थियो ।
विद्यालय पोशाकमै रहेका शव फेलापरेको स्थानमा उनले प्रयोग गरेको साइकल, व्लेड र किटनाशक विषादी फेला परेको प्रहरीले जनाएको छ । प्रहरीले घटना संस्कास्पद रहेपनि अहिलेनै कैही भन्न नसकिने जनाए ।
शव विहान करिव १० बजे फेला परेलगतै प्रहरी त्यहाँ पुगेको जिल्ला प्रहरी कार्यालय सिरहाका सुचना अधिकारी डिएसपी शालिग्राम शर्माले जानकारी दिए ।
शव परेको करिव ६ घण्टासम्म स्थानीयले उठाउन दिएका थिएनन् । प्रहरीले बल प्रयोग गरी शव पोष्टमार्टमको लागि लहानथित रामकुमार उमाप्रसाद मुरारका स्मारक अस्पताल लगेको छ ।
उनका आफन्तले आशंकाको आधारमा व्यक्ति नै किटान ठाडो निवेदन दिएपनि घटनाको विषयमा अनुसन्धान भईरहेको प्रहरीले जनाएको छ । अनुसन्धान प्रकृया अगाडी बढाई सकेको उनी दुई वर्ष अघि पनि अपहरणमा परेको जनाएको छ । अपहरणमा परेपनि उनी आफै भारतबाट अपहरणकारीको चङ्गुलबाट भागेर आएको बताइएको छ ।
