गमक पोष्ट समाचारदाता
बारा, १८ पुस । कारको ठक्करबाट पूर्वपश्चिम राजमार्ग अन्तर्गत बारा–जितपुर खण्डमा पाटेबाघ मरेको छ । जंगलबाट राजमार्ग पारगर्ने क्रममा पाटेबाघलाई बा १६ च ८११ नम्बरको कारले ठक्कर दिदाँ घटनास्थलमै मृत्यु भएको हो ।
बाराको जितपुर सिमरा उपमहानगरपालिका–१ आधारभार जंगलमा कारको ठक्करबाट बाघ मरेको बाराका प्रहरी उपरीक्षक कृष्ण पंगेनीले जानकारी दिए । कार चालक सर्लाहीका अजय मिश्र र बाघलाई प्रहरीले आवश्यक कार्यवाहीको लागि पर्सा राष्ट्रिय निकुञ्जको जिम्मा लगाएको छ ।
