गमक पोष्ट समाचारदाता
सिरहा, १५ मंसिर । सिरहाको गोलबाजर नपा ४ का दुई कपडा पसलमा भिषण आगलागी भएको छ । स्थानीय व्यसायी लालवाबु साह र किसन ट्रेडर्स एण्ड सप्लाएसमा सोमबार राती भएको आगलागीको कारण लाखौं मूल्यको कपडा जलेर नष्ट भएको प्रहरीले जनाएको छ ।
वेलुका बालेको अगरवत्तीबाट आगलागी भएको अनुमाग गरिएपनि आगलागीको कारण खुलेको छैन । आगलागीबाट यतिकै धनमाल नष्ट भएको अहिल्यै अनुमान गर्न नसकिने बताइएको छ ।
कपडा पसलमा लागेको आगो नेपाल प्रहरी, शसस्त्र प्रहरी, नेपाली सेना र गोलबजार, मिर्चैया र लहानबाट आएको दमलले नियन्त्रणमा लिने प्रयास भईरहेको छ । आगो अझै नियन्त्रणमा आएको छैन ।
