गमक पोष्ट समाचारदाता
सिरहा, ११ मंसिर । सिरहाको लहान नगरपालिका १८ शोभापुरमा २५ वर्षिय यसरात खातुनको सङ्कास्पद मृत्यु भएकोे छ । मृतकको पति दिल मोहम्मद वैदेशिक रोजगारमा रहेकाले उनी दुई छोराछोरीसहित एक्लै घरमा बस्दै थिए ।
स्थानीयका अनुसार उनलाई सोमबार राती आफन्तमा पर्ने सासु–ससुराले कुटपिट गरेका थिए । घाइते खातुनले स्थानीय औषधी पसलमा उपचार गराएको भएपनि उनको बुधबार बेलुका मृत्यु भएको प्रहरीले जनाएको छ ।
स्थानीयका अनुसार मृत्युपछि केही व्यक्तिले एम्बुलेन्समा राखि उपचार गराउन भन्दै अस्पताल पु¥याउँन पुर्याएपनि अस्पतालले मृत घोषणा गरेको इलाका प्रहरी कार्यालय लहानका डिएसपी सरत थापा क्षेत्रीले जानकारी दिए । प्रहरी घटना लगतै अस्पताल पुगेको जनाएको छ ।
महिलालाई कुटपिट गर्ने आरोपित एक जनालाई अनुसन्धानको लागि नियन्त्रणमा लिएको बताएको छ । घटनाबारे थप अनुसन्धान भइरहेको छ । घटनाको विषयमा पोष्टमार्टमपछि सबै कुरा खुल्ने प्रहरीले बताए ।
मृतकका आमाबुबाले कुटपिटबाट छोरीको मृत्यु भएको बताएको छ । शवलाई पोष्टमार्टमका लागि लहानस्थित राउ स्मारक अस्पतालमा राखिएको छ ।
