गमक पोष्ट समाचारदाता
बर्दिवास, १० मंसिर । महोत्तरीको बर्दिबास नगरपालिका १४ शुभम् बस्तीकी ६ वर्षीय बालिका गुलाब शाह खातुन हत्याको विरोधमा भएको प्रदर्शनका क्रममा प्रहरीले चलाएको गोली लागि घाइते एक युवको मयृत्यु भएको छ । उत्तेजित भिड नियन्त्रणमा लिन प्रहरीले चलाएको गोली लागि घाइते भएको उत्रिएका स्थानीय सञ्जय भनिने बुद्धिराज न्यौपानेको मृत्यु भएको हो ।
गोली लागेर गम्भिर घाइते भएका न्यौपानेलाई हेलिकोप्टरबाट उपचारको काठमाडौंको ग्रान्डी अस्पताल लगिएको थियो । उनको मंगलबार राति १ बजे उपचारको क्रममा अस्पतालमै मृत्यु भएको महोत्तरीका प्रमुख जिल्ला अधिकारी कृष्णबहादुर कटुवालले जानकारी दिए ।
उनीसँगै घाइते अर्का श्याम कार्कीको भने उपचार भइरहेको छ । न्यौपानेको मृत्युसँगै बर्दिबासमा थप तनावको स्थित सृजना भएको छ । घटनास्थलमा थप तनावको स्थिती पैदा नहोस् भनेर बुधबार बिहान ८ सुरक्षा समितीको बैठक बस्दै छ ।
कफ्र्यु वा निषेधाज्ञा लगाउने विषयमा छलफल हुने प्रमुख जिल्ला अधिकारी कटुवालले जानकारी दिए ।
यता स्थानीयले भने प्रहरीले भिड नियनत्रणको नाममा व्यक्तिलाई ताकी ताकी गोली चलाएको आरोप लगाएका छन् ।
