गमक पोष्ट समाचारदाता
सिरहा, ६ मंसिर । सिरहा प्रहरीले कटुवा पेस्तोल र त्यसमा लाग्ने ३ थान गोली सहित एक युवकलाई आज शनिवार विहान नियन्त्रणमा लिएको छ । सिरहाको औरही गापा ५ का २२ वर्षिय रबिन दासलाई स्थानीय जगदेब बाबा पोखरीको छठ–घाटबाट पेस्तोलमा लोड गरिएको एक थान र साथमा रहेको २ थान गोली सहित नियन्त्रणमा लिएको हो ।
गाउँकै ४२ वर्षिय विनोद कुमार यादवलाई पुरानो दुस्मनीको कारण पोस्तोल निकाली कञ्चडमा पेस्तोल ताकीरहेको बेला स्थानीयले औरही प्रहरीलाई खवर गरेपछि तत्काल प्रहरी पुगी नियन्त्रणमा लिएको जिल्ला प्रहरी कार्यालय सिरहाका सुचना अधिकारी एवम् डिएसपी शालिग्राम शर्माले जानकारी दिए ।
हतियार सहित पक्राउ परेका यादवलाई जिल्ला प्रहरी कार्यालय सिरहामा राखि आवश्यक अनुसन्धान गरिरहेको जनाएको छ ।
