गमक पोष्ट समाचारदाता
सिरहा, १३ कात्तिक । सिरहा प्रहरीले कटुवा पेस्तोल सहित दुई युवकलाई नियन्त्रणमा लिएको छ । इलाका प्रहरी कार्यालय बन्दिपुरबाट खटिएको गस्ती टोलिले चेक जाँचको क्रममा स. ७ प २५५३ नम्वरको मोटरसाइकलमा सवार कर्जनहा नपा २ का २२ वर्षिय डिम्पल यादव र अर्का प्रेमनाथ यादवलाई विहिवार विहान कटुवा पेस्तोल सहित नियन्त्रणमा लिएको हो ।
प्रहरीले उनीहरुको साथबाट एक थान पेस्तोल, त्यसमा लाग्ने गोली एक थान र प्रतिवन्धित लागुऔषध नाइट्रोभेट ल्यावलेट ६ थान बरामद गरेको जनाएको छ ।
हतियार सहित पक्राउ परेका डिम्पलसँग सोध पुछ गरेपछि घटनामा प्रेमनाथको समेत संलग्नता रहेको पाइएपछि नियन्त्रणमा लिएको जिल्ला प्रहरी कार्यालय सिरहाका सूचना अधिकारी तथा डिएसपी शालिग्राम पौडेलले जानकारी दिए ।
घटनाबारे थप अनुन्धान भईरहेको जनाएको छ ।
