गमक पोष्ट समाचारदाता
लहान, ८ कात्तिक । बलात्कार प्रयास आरोपमा सप्तरी प्रहरीले दुई जनालाई नियन्त्रणमा लिउको छ । सप्तरीको महदेवा गाउँपालिका–३ बलिया बथनाहाका ५२ वर्षीय र ४८ वर्षीय पुरुषलाई बलात्कार प्रयास आयोपमा नियन्त्रणमा लिएको हो ।
इलाका प्रहरी कार्यालय कञ्चनरुपका प्रहरीले उनीहरुलाई नियन्त्रणमा लिएको सप्तरी प्रहरीले जनाएको छ । आरोपितले एक्लै देखेर पछाडिबाट समाती गत असोज ३० गते बिहान बलात्कार प्रयास गरेको आरोप पीडितले इलाका प्रहरी कार्यालय कञ्चनरुपमा उजूरी दिएकी थिइन् । पीडितको राजविराजस्थित गजेन्द्रनारायण सिंह अस्पतालमा स्वास्थ्य परीक्षण भएको छ ।
म्र्निङवाकमा निस्किएका बेला घरदेखि तीन सय मिटर उत्तर परालको टाल भएको बारीमा आरोपितले नियन्त्रणमा लिएर बलात्कार प्रयास गरेको पीडितको दावी रहेको प्रहरीले जनाएको छ ।
