गमक पोष्ट समाचारदाता
काठमाडौं, ५ कात्तिक । कोरोना महामारीका कारण गत शैक्षिकशत्रमा हुन नसकेको कक्षा १२ को परीक्षा मंसिर ९ गतेबाट सञ्चालन हुने भएको छ । राष्ट्रिय परीक्षा बोर्डले परीक्षा तालिका र कार्यविधि तयार पारीसकेकाले मंसिर ९ बाटै परीक्षा सञ्चालन गर्ने बताएको हो । सरकारले तोकेको सुरक्षा मापदण्ड र सामाजिक दुरी कायम गरेर परीक्षा सञ्चालन गर्न लागिएको छ ।
परीक्षा समय विहान ८ बजे सुरु हुनेछ । शनिबारसमेत परीक्षा सञ्चालन गरेर १६ मंसिरमा सबै विषयको परीक्षा सम्पन्न गर्ने बोर्डले जनाएको छ ।
यसैबीच परीक्षा बोर्डले कोरोना संक्रमित विद्यार्थीलाई परीक्षामा सहभागी नहुन अनुरोध गरेको छ । परीक्षा अवधिमा कोरोना संक्रमितहरूलाई भने छुट्टै परीक्षाको व्यवस्था गरिनेछ ।
