सप्तरी, २९ असोज । हुलाकी सडक अन्तर्गत सप्तरीको खड्क नगरपालीकाको विद्यापति चौकमा भएको मोटरसाइकल दुर्घटनामा दुईजनाको मत्यु भएको छ । दुर्घटनामा अन्य दुईजना गम्भीर घाइते भएका छन् । पुर्वबाट पश्चिम तर्फ गईरहेको स.१ प ३७०१ नम्बरको मोटरसाइकल विपरित दिशाबाट आएको स.८ प ८४४१ नम्बरको मोटरसाइकल एक आपसमा ठोकिँदा सप्तरीकै बोदेबर्साइन नगरपालिका सिस्वाधनगढिका ३० वर्षीय सुरेशकुमार साह र अर्का नाम र ठेगाना नखुलेका मोटरसाइकल चालकको मृत्यु भएको हो ।
दुर्घटनामा मोटरसाइलको पछाडि सवार अन्दाजि ४५ बर्षीया एक महिला र अर्का एक पुरुष गम्भीर घाइते भएका छन् ।
घाइते दुवै जनाको तत्काल स्थानिय अस्पतालमा उपचार हुन नसकेपछि थप उपचारको लागि राजविराज पठाएको सप्तरीका प्रहरी उपरीक्षक राजेन्द्रप्रसाद धमलाले जानकारि दिए ।
दुर्घटनामा परेका दुवै मोटरसाइकाल प्रहरीको नियन्त्रणमा रहेको जनाएको छ ।
