सिरहा, १३ असोज । प्रहरीले विशेष सूचनाको आधारमा मध्यराति सिरहाकोन सुखीपुर नपा ४ बनिनियाबाट तीनलाख भन्दा बढी मूल्य बरावरको प्रतिवन्धत लागु औषध गाँजा बरामद गरेको छ । विशेष सुराकीको आधारमा सशस्त्र प्रहरी बेस क्याम्पस सुखीपुरले को. २९ प १४८७ नम्वरको मोटरसाइकल सहित १९ किलो गाँजा पक्राउ गरेको हो ।
सशस्त्र प्रहरीका सहायक निरीक्षक विदेशराज गरन्जा मगरको नेतृत्वमा खटिएको टोलीले विशेष सुराकीको आधारमा भारत तर्फ लैजाने क्रममा पहेलो बोरामा राखेको गाँजा बरामद गरिएको हो । माफियाहरुभने प्रहरीलाई देखेपछि मोटरसाइकल छोडेर भागेका जनाएको छ । फरार दुवैजनाको खोजी भईरहेकोे प्रहरीले जनाएको छ ।
विशेष सुराकीको आधारमा बरामद गरिएको गाँजा नेपालमा प्रतिकिलो १५ हजार रुपैयाँमा खरिद बिक्री भइरहेको छ भने सोही परिणामको गाँजा भारतीय बजारमा ३० हजारसम्म बिक्री हुने गरेकोले गाँजा कारोवारीहरुको संख्या बढ्दै गइरहेको बताइन्छ । बरामद गरिएको गाँजा र मोटरसाइकल आवश्यक कार्वाहीको लागि प्रहरी चौकी सिलोर्वा पछवारीमा बुझाईएको छ ।
