सिरहा, ४ असोज । पूर्वपश्चिम राजमार्ग अन्तर्गत सिरहाको गोलबजार नगरपालिका ७ पुरानो चोहर्वामा भएको सडक दुर्घटनामा एक महिलाको मृत्यु भएको छ । पूर्वबाट पश्चिमतर्फ गईरहेको स. ६ प. ३९९३ नम्बर मोटरसाइकललाई पछाडीबाट अनटेस्ट पिकअप गाडीले ठक्कर दिँदा मोटरसाइकलमै सवार छिनमस्ता गाउँपालिका ४ की ५५ वर्षीय ललितादेवी साहको मृत्यु भएको हो । दुर्घटनामा गम्भिर घाईते भएकी उनलाई उपचारको लागि लहान लैजाने क्रममा बाटोमै मत्यु भएको इलाका प्रहरी कार्यालय गोलबजारले जनाएको छ । शव पोष्टमार्टमको लागि लहान अस्पतालमा राखेको छ । घटनाबारे अनुसन्धान भईरहेको प्रहरीले जनाएको छ ।