सिरहा, २ असोज । पूर्वपश्चिम राजामार्ग अन्तर्गत सिरहाको गोलबजार नपा ४ निपाने चौकमा विहिवार वेलुका भएको मोटरसाइकल दुर्घटनामा परि एक वृद्धाको मृत्यु भएको छ । पूर्वबाट पश्चिम तर्फ गईरहेको स. ६ प. ६४०३ नम्वरको मोटरसाइकल कुकुरले बाटो काट्दा अनियन्त्रित बई लड्दा पछाडी सवार ७० वर्षिय सोनावती यादवको मृत्यु भएको हो ।
मोडरसाइकलबाट लडेर सख्त घाइते भएका यादवको स्थानीय स्वास्थ्य संस्थामा प्राथमिक उपचार पछि थप उपचारको लागि लहान लग्ने क्रममा बाटोमै मृत्यु भएको जिल्ला प्रहरी कार्यालय सिरहाका सुचना अधिकारी डिएसपी विनोद घिमिरेले जानकारी दिए । शव पोष्टमार्टमको लागि लहान अस्पतालमा राखिएको जनाएको छ ।