काठमाडौं, भदौ २६ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा आज थप १ हजार ४५४ जनामा कोरोना संक्रमण पुष्टि भएको छ।
शुक्रबार थपिएकासहित हालसम्म संक्रमित हुनेको संख्या ५१ हजार ९१९ पुगेको छ ।
त्यस्तै पछिल्लो २४ घण्टामा जना कोरोनाबाट ९७२ जना निको भइ घर फर्किएका छन्। यो सहित हालसम्म कुल निको हुनेको संख्या ३६ हजार ६७२ पुगेको छ ।
संक्रमित हुनेमध्ये निको हुनेको दर ७१ प्रतिशत रहेको जनाईएको छ । विभिन्न अस्पताल तथा होम आइसोलेसनमा हाल १४ हजार ९२५ सक्रिय संक्रमित छन्।
पछिल्लो २४ घण्टामा मृतक ५ जनामा कोरोना पुष्टि भएको छ । हालसम्म मृतक ३२२ जनामा कोरोना पुष्टि भएको छ । यस अवधिमा १० हजार ७०१ जनाको पिसिआर परीक्षण भएको छ ।
