सिरहा, २५ भदौ । सिरहाको छुट्टाछुट्टैस्थानमा पानीमा डुवेर दुईजनाको मृत्यु भएको छ । सिरहा अर्नमा गापा ३ का १० वर्षिय चन्दन महतोको मैनाबत्ती खोलाको पानीमा नुहाउने क्रममा डुवेर मृत्यु भएको छ । त्यसैगरी, नाम बतन नखुलेका अन्दाजी २० वर्षिय महिलाको शव मिर्चैया नपा ९ कमलदहमा आज बेलुकी फेला परेको छ ।
पानीमा डुवेर अचेत भएका चन्दनको स्थानीय स्वास्थ्यसंस्थामा उपचारको लागि पुर्याइएपनि उनको उपचारको क्रममा मृत्यु भएको जिल्ला प्रहरी कार्यालय सिरहाले जनाएको छ । उनको शव पोष्टमार्टमको लागि जिल्ला अस्पताल सिरहामा राखिएको छ ।
त्यसैगरी, कमदहमा डुवि मृत्यु भएको अवस्थामा अपरिचत महिलाको शव फेला परेको छ । उनको पहिचान अझै हुन सकेको छैन । महिलाले बैजनी रंगको साडी, रातो ब्लाउज हातमा घडी र दुवै खुट्टामा कल्ली लगाएकोे छ । घटनाबारे अनुसन्धान भईरहेको प्रहरीको भनाई छ ।
