सिरहा : सिरहामा थप एक जना कोरोना संक्रमित पुरुषको मृत्यु भएको छ । विपी कोइराला स्वास्थ्य विज्ञान प्रतिष्ठानमा उपचारको क्रममा ६५ वर्षीय एक कोरोना संक्रमित पुरुषको मृत्यु भएको हो ।
मृतक मिर्चैया नगरपालिका वडा नः ६ को रहेको जनाइएको छ । भदौं १० मा उपचारका लागि भर्ना भएका उनको उपचारकै क्रममा सोमबार राति करिब साढे ९ बजे ज्यान गएको प्रतिष्ठानका प्रवक्ता डाक्टर निदेश सापकोटाले जनाए ।
भदौं ९ गते संक्रमण पुष्टि भएका उनलाई स्वासप्रस्वासमा समस्या देखिएपछि भेन्टिलेटरमा राखेर उपचार भइरहेको थियो ।
यसअघि उनलाई विराटनगरस्थित विराट मेडिकल कलेजमा भर्ना गराएका पनि त्यहाँ उपचार सम्भव नभएपछि थप उपचारको लागि धरान पुगेका उनको अन्तत ज्यान गुमाउनु परेको छ । उनी उच्च रक्तचाप र मधुमेहका विरामी समेत रहेको थियो ।
