सिरहा ६ फाल्गुन। सिराहाको नवराजपुर गाउँपालिका १, भगवतीपुरकी १७ वर्षीया किशोरी रिंकुकुमारी सदाको सामूहिक बलात्कार पछि शंकास्पद मृत्यु घटना छानबिनको लागि एसएसपीको नेतृत्वमा समिति गठन भएको छ। घटनामा सम्वन्धित प्रहरी कार्यालयको प्रभावकारीताको विषयमा प्रश्न उठेपछि मधेस प्रदेश प्रहरी कार्यालय जनकपुरधामले प्रदेश प्रहरीका सूचना अधिकारीसमेत रहेका एसएसपी शान्ति राज कोइरालाको नेतृत्वमा छानबिन समिति गठन गरिएको हो।
समितिले आजै घटनास्थलमा पुगेर आवश्यक अनुसन्धान सुरु गरेको प्रदेश प्रहरीद्वारा जारी विज्ञप्तिमा उल्लेख छ। विज्ञप्तीमा उक्त घटनालाई लिएर केही सञ्चार माध्यमहरुमा आएका समाचारहरु प्रति यस कार्यालयको ध्यानाकर्षण भई सो घटनाको थप अनुसधनको लागि मधेश प्रदेश प्रहरी कार्यालयका एसएसपी शान्ति राज कोईरालाको नेतृत्वमा छानविन समिती गठन भएको छ र सो समिति घटनास्थल पुगेर बुझ्ने तथा अनुसन्धानको कार्य गरिरहेको छ।
नवराजपुर गाउँपालिका वडा नम्बर १ की १७ वर्षीया रिंकुकुमारी सदा माघ ३० मा आफनै घरमा मृत फेला परेकी थिइन्। शंकास्पद मृत्यु जस्तो गम्भीर घटना दबाउन जनप्रतिनिधि र प्रहरी नै लागेको समेत खुलेको छ ।
रिंकुलाई २७ माघ राती शौचगर्न गएका बेला अपहरण गरी तीन युवकले सामूहिक बलात्कार भएको थियो। पीडित किशोरीले स्थानीय युवक रूपेश मण्डल, चन्दन साह र रामविनय मण्डलले अपहरण गरेर बलात्कार गरेको सम्बन्धमा २८ माघमा आमा सीतादेवीलाई सुनाएपछि घटना बाहिरिएको थियो । जस्तो जघन्य अपराध आर्थिक लेनदेनगरी गाउँमै मिलाउन २९ माघमा वडासदस्य नथुनी साहको रोहवरमा गाउँमा पञ्चायत बसेको बसेको थियो।
२९ गतेको पञ्चायतमा रुपेशका बुवालाईमात्र जरीवाना गरेपछि यसले थप विवाद निम्तिएको थियो। रुपेशको बुवाले घटनामा संलग्न सवैले जरीवाना तिर्नुपर्ने माँग सहित ३० गते पुनः पञ्चायत बोलाएकै दिन आमा पञ्चायतमा गए फर्किदा रिंकु घरको छानोमा झुण्डिएको अवस्थामा देखिएको थियो।
यस घटनामा लहान प्रहरीले एक जनालाई त्यो आत्महत्या दुरुत्साहन घटनामा मुद्दा दर्ता गराएको छ। पीडितका परीवारलाई प्रहरीले बाध्ये बनाएर एक जनाकोमात्र नाम हाल्न लगाएको बताउँदै आएको छ। घटनामा संलन अहिले फरार रहेको छ। अन्य पनि फरार रहेका छन्। प्रहरीले उनको खोजी गरिरहेका जनाएको छ।
शव परीक्षणको रिपोर्ट आई नपुगेकोले यस विषयमा तत्काल थप केही बताउन नसकिने प्रहरीको भनाई छ।
