विराटनगर, २७ साउन। मोरङ प्रहरीले आफ्नै श्रीमती हत्या गरेको अभियोगमा एक जनालाई पक्राउ गरेको छ। सुन्दरहरैचा नगरपालिका १० बागझोडा का ५८ वर्षीय लक्ष्मण नेपाललाई श्रीमती ४१ वर्षीया पबित्रा फुयाल नेपालको हत्या गरेको अभियोगमा आईतवार विहान पक्राउ गरेको हो।
घरायसी विवादको क्रममा लक्ष्मणले एक्कासी खुकुरी प्रहार गर्दा गम्भीर घाइते भएकी पबित्राको नोबेल अस्पताल बिराटनगरमा उपचारको क्रममा मृत्यु भएको मोरङ प्रहरीले जनाएको छ।
इलाका प्रहरी कार्यालय बिराटचोकबाट खटिएको प्रहरीले नेपाललाई पक्राउ गरेको हो। घटनाका सम्बन्धमा प्रहरीले आवश्यक अनुसन्धान गरिरहेको जनाए।
