बर्दिवास, ७ जेठ। महोत्तरीले प्रहरीले करिव एकक्विन्टल आठ केजी प्रतिवन्धित लागु औषध गाँजा सहित एक युवकलाई पक्राउ गरेको छ।
जिल्लाको औरही नगरपालिका ८ टिम्कियाबाट १ क्विन्टल ७ किलो ४ सय ८५ गाँजा ग्रामसहित सर्लाहीको पर्सा गाउँपालिका १ का २१ वर्षीय चन्दन यादवलाई आइतबार राति प्रहरीले पक्राउ गरेको हो।
जिल्ला प्रहरी कार्यालयबाट खटिएको प्रहरीले बीआर ३० एएच २३८८ नम्बरको गाडीलाई जाँच गर्ने क्रममा डिकीमा लुकाई छिपाई राखेको उक्त परिमाणको गाँजा फेला पारी चालक चन्दनलाई पक्राउ गरेको जनाएको छ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।
